Hnahthial Post | 8th August, 2024: Mizo Zirlai Pawl (MZP) General Headquarters, Aizawl chuan vawiin khan thuchhuah siamin, Mizo kutthlaktu BSF te chet dan a dem a, Mizo thlavang hauh lo Mizoram Police inenfiah turim duh!
BSF ten Zirsangliana Bangladesh a a chhungte a tlawh rawn haw lam ni 5 August, 2024 ah nasa taka an nghaisa hi hriatthiam har a ti hle a. BSF te chat duh dan hi MZP chuan a dem takzet a ni.
"20 Bn. BSF B.O.P Crocodile, Inspector Harish Sankar Rai leh a ho ten, ramria Zirsangliana an sawisa ngawt mai hi MZP chuan eng vang nge tih sawifiah turin a duh a. Zirsangliana FIR pawh lo dawn sak duh lo mai ni loin, Mizo thlavang hauh lova BSF tan ngar ngartu Mizoram Police hotu liante pawh inenfiah turin MZP chuan a duh," thu thuchhuah siamin a tarlang.
Nimin ni 7 August, 2024 (Nilaini) khan MZP General Headquarters Pisapui-ah, MZP General Headquarters hruaitute leh Interim Chin National Consultative Council (ICNCC) hruaituten Meeting an nei a. He Meeting hi Pu H. Lalthianghlima MZP President in a kaihruai.
Meeting-ah hian, Chin State Myanmar ram chhunga Zofa hnam hrang hrangte inkarah thawhhona tha tak a awm theih nan leh inpumkhatna a awm theih nan hmalakho zel dan tur sawiho a ni.
MZP chuan Chin State chhunga Zofa hnam hrang hrang inkarah, innghirnghona awm mek hi tha a ti lo a. Thawhhona tha tak a awm theih nan, ICNCC hi a Meeting pui a. Hun remchang hmasa berah Chinland Council leh Chin Brotherhood bakah pawl dang dang pawh a meeting pui dawn a ni.
Meeting chuan, MZP-in Chin unaute kara inremna a awm theih nana a hmalakna chu tha a ti a. Unau leh Unau karah policy inang lo mahse tharum thawh loh nise tih te, remna a awm theih nan hmalak chhunzawm leh Myanmar rama remna leh mipui sawrkar a din theih nana theih ang anga thawhho nise tihte rilru inhmu taka sawiho a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
