Hnahthial Post | 17th September, 2024: Vawiin khan Hnahthial DC Conference hall-ah Bawrhsap, Pi Rita Lalnunmawii Pachuau chuan District Disaster Management Authority hnuaia Quick Response Team Training hawnna a nei.
Bawrhsap chuan Mizoram chu ruahtui leh leimin tamna ram a nih mai bakah lir na taka a nghin theihna ram anih avang ten khuarel chhiatna eng pawh lo thleng se, inral ring renga kan awm theih nan Disaster Management hi a pawimawh hle thu a sawi a. Rikrum thilah buai leh phili lova, felfai leh rang taka thawh chhuah a nih theih nan he Quick Response Team Training buatsaih a ni thei hi lawmawm a tih thu a sawi a. He huna kal khawm, YMA branch hrang hrang amite chu an hna thawh tawh naah lawmthu hrilhin he training hi hlawkthlak taka an hman ngei theih a beisei thu a sawi. Training an neih chhung hian mihring nunna hlu tak chhan thei tura inzir an ni tih hre rengin, thiamna tak tak, midang pawh zirtir chhawng thei tur khawpa thiamna chher chhuak tura a beisei thu a sawi bawk.
Training hawnna ah hian Hnahthial YMA branch tin atang mi pahnih (2) theuh bakah YMA Sub-Hqrs atang mi pakhat (1) a rawn tel a ni.
He training hawnna hunah hian Pu Kaste Romalsawma, Asst. Director (Ops), DM&R; Pu Zothansanga Hmar, District Organiser, DM&R; Pi Esther Leihang, SDO (Sadar) leh Pu R. Vanlalruata, SDC te an tel a ni.
Thu hmuhna: DIPR
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
