Hnahthial Post | 4th September, 2024: Mizo Zirlai Pawl Headquarters Hnahthial chuan nimin tlai khan thuchhuah siamin, Hnahthial-a DIET Building sak tur chungchanga nimin ni 3 Sept, 2024 tlai dar 4 a School Education Minister hoa Meeting an neihah Minister sawi hmang aṭangin DIET Building sak hi hnuhkir ngei tum a ni a. Sorkar-in hnuhkir (Cancel) a tum chhanah hian, Building sak zawh a nih huna a thawktu turte hlawh pek chungchang a ni a. Thawktute hlawh hi, Central Sorkar-in 60% a tum tur niin, Mizoram Sorkar-in 40% a tum tur a ni. Tun dinhmuna Sorkar-in a chhuanlam hi MZP Hqrs Hnahthial chuan chhuanlam tlingah an ngai lova. Mizoram Sorkar hian September ni 9th, 2024 tlai lam dar 4 ral hmain DIET Building sak tur, hnuhkir tumna hi Mizoram Sorkar-in sut turin an phutin an ngen a ni.
September ni 9th, 2024 ral hma a Mizoram Sorkar-in hnuhkir tumna a sut lo a nih chuan, MZP Hnahthial hian Hnahthial-a SDEO, DEO leh DPC te PISA kai tur dan ṭan an tum a ni.
Mizoram Sorkar-in MZP Hqrs Hnahthial ngen leh phutte a ti hlawhtling lo a nih chuan, Sorkar PISA kai tur dan leh Total Bandh thlenga Sorkar nawr an tum bawk a ni.
MZP Hqrs Hnahthial chuan, Hnahthial District mipuite an hmalaknaah ṭawiawm tur leh tuna DIET Building sak tur hi a tham ral a nih chuan, Hnahthial District-in DIET an neih hun tur a tlaiin a khawmuang dawn a, chumi duh loh avânga MZP Hqrs Hnahthial-in hma la an nih thu hriatsak turin mipuite an ngen bawk a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
