"Hnahthial khua hi hmangaih ula, eirukna tih buai tir suh u" - Pu Lalsanglura, MPS (rtd) Member Mizoram Lokayukta

Hnahthial Post | 25th October, 2024: Vawiin chawhnu khan Mizo Zirlai Pawl Hqrs Hnahthial leh Mizoram Lokayukta tangkawpin Gov't Hnahthial College Auditorium-ah Anti Corruption neih a ni.

He hunah hian Pu Lalsanglura, MPS (rtd) Member, Mizoram Lokayukta chuan hmanpuiin, Mizoram Lokayukta Awareness Campaign Hnahthial-a hun hman theih a ni chu lawmawm a tih thu sawiin, Hnahthial chu a khua a ni a, khawi hmunah pawh a intih Hnahthial ṭhin thu te, Hnahthial khua chu tun hmain zirna ṭha leh Mizoram pawha langpha ṭhin a ni a, Zirlaite hian tih tak taka eng pawh an tih chuan hlawhtlinna an chang ngei dawn a ni tiin, Eirukna hian mipui chan ai tam tak a ti rirala, Mizoram hian nasa takin a tuar tawh a ni, eiruk hi chhungkuain a tuara, zirlaite chu nakinag eng dinhmunah pawh ding se, ei ru lo turin a fuih a, "Hnahthial khua hi hmangaih ula, eirukna tih buai tir suh u," tiin Zirlaite chu a chah a ni.

Pu R. Laltharliana, Asst.Public Prosecutor, Mizoram Lokayukta chuan dan pahnih, 'The Mizoram Lokayukta Act, 2014' leh 'The Lok Pal and Lok Ayuktas Act, 2013' te chu zirlaite hrilh hriatna leh zirtirna hun a hmang a ni.

Thu sawitu dang Pu Zothanmawia Khiangte, Addl.DC Hnahthial chuan, MZP-in Eirukna dona atana Campaign an huaihawt thei chu lawmawm a tih thu sawiin beiseina thar a neih phah tih a sawi a, Eirukna hi mimal leh ram tan a pawizia hre reng turin zirlaite a chah a, thil dik lo chu thu neitute hnenah thlen zel turin a chah bawk a ni.

He hun hi Tv C Rodingliana, Vice-President MZP Hqrs Hnahthial chuan kaihruaiin, Pu Lalsiamthanga Principal, Gov't Hnahthial College chuan inlawmna thu a sawi a, Pu Jimmy Lalrosanga, President, MZP Hqrs Hnahthial chuan kal khawmte hnenah lawmthu sawina hun a hmang a ni.