Hnahthial Post | 28th October, 2024: Vawiin khan Hnahthial DC Meeting Hall-ah Bawrhsap, Pi Rita Lalnunmawii Pachuau kaihhruaiin Mizoram puma tuilian leh leimin thlen thulha chet lak dan tur zir hona- 'State Level Mock Exercise on Flood and Landslide Disaster in Mizoram', Hnahthial District-a kalpui dan tur relin thutkhawmna neih a ni.
Thutkhawmnaah hian Table top exercise November ni 5-a neih tur leh Mock Exercise November ni 7-a neih turte kalpui dan tur rel ho a ni a. Leimin thlen thulha chetlak dan tur hi HDFA turf ground bulah neih ni se ti a rel a ni a. Chhiatna thlen palh a ruang leh hliam tuar zawn chhuah dan tur te, warning in pek dan tur te bakah line department leh VC, QRT leh YMA tinte mawhphurhna sawi ho a ni.
Mock exercise kalpui dan tur kimchang zawk a duan turin Addl DC chairman na hnuaiah P&E, CMO, I&PR, Sub Headquarters YMA leh QRT atangin member pakhat theuh bakah Addl SP chu tun nilai lo awm turah hian thutkhawmna neih ni se ti a rel a ni.
Thutkhawmnaah hian Addl DC, Pu Zothanmawia Khiangte; Project Director, Pu HD Lalpekmawia; SDO Sadar, Pi Esther Leihang; Addl SP, Pu Beimosia Lapi; Chief Medical Officer, Dr R. Lalsanglura; District Disaster Management Authority member te; South-III VCP leh Secy te; Sub Headquarters YMA President leh Asst. Secy te bakah Quick Response Team member te an tel a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News