Hnahthial Post | 4th November, 2024: Vawiin khan Chief Minister Pu Lalduhoma chuan a office-ah Mizoramin All India Services (AIS) Cadre hran a neih ve theih dan tur chungchang Mizoram IAS Association hruaitute, AIS Services member dangte bakah Zoram Research Foundation hotute a sawipui.
Hemi chungchanga hmalakna lo awm tawhte sawi lan a ni a. Cadre hran neih that bikzia leh lukhawng a neih bikziate pawh sawi niin, sorkar tharah beiseina sang tak nen tha thar a hmalakna awmze nei lehzual kalpui an duh thu an sawi a.
Chief Minister chuan, he thil hi a kaihhruai sorkar pawhin a duh leh a rualawhna a nih thute, nasa lehzual a bawhzui a duh thu te a lo hrilh a. Cabinet Meeting-ah sawiho tura chhawpchhuah a lo tum tur thu a hrilh a ni.
He hunah hian Mizoram IAS Association atangin Pu Vanhela Pachuau, Pu C. Ropianga, Pu Lungmuana, Pu Lalzirmawia Chhangte te an tel a. Indian Police Service (IPS) atangin Pu Lalrokhuma Pachuau, Pu C. Dothanga, Pu P. C. Lallawmsanga, Pu Zorammawia leh Pu C. Laldina te telin; Zoram Research Foundation atangin Prof. Thangchungnunga leh Pu Rochamliana te an tel a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News