HRITLANG LEH KHUH: Hritlang awm nå leh khuh hi eng hunah pawh a neih theih a; mahse, thlasik khaw vawtah chhar a awl ber a. Hetiang thlasika hritlang tam ber hi virus hrang hrang vang a ni tlangpui a, a tih dam hlenna a awm lo a. 'Damdawi eiin kâr khatah a dam a, damdawi ei lohin ni sarihah a dam a' tih ang vel a ni mai. Virus vang a nih tlangpui avangin antibiotics eiin a ti dam hma chuang lo a, a chhawk thei bawk lo a.
Hritlang lakah a inven theih a, a tih ziaawm theih a, nat hun chhúng a tih tawi theih bawk a. Inenkawl that loh erawh chuan natna hrikin min tläkbuak ve thei a. Sinus nå, asthma leh âwm nå benvawn a ti zual thei a, bengkherh a siam thei bawk a.
In lama inenkawlna:
- Purun var ei tam tur a ni a.
- Sawhthing ei tam a tha a. Thingpuia sawhthing telh a, in thin a tha
- Thakthing thirfiante khat leh khawizu fian khat chawhpawlh a, ni khata vawi hnih thum vel ei thin a tha a..
- Nimbu leh thei thur, citrus fruits ei tam a tha a. Tui lum no khatah nimbu tui tharlâm thirfiante li (4) vel leh khawizu thirfiante hnih (2) chawhpawlh a, in thin a tha a.
- Green tea in thin a tha a. Tulsi, holy basil hnah sawm (10) vel chhum a, thingpui anga in mai theih a ni bawk a.
- Tui luma apple cider vinegar thirfiante li (4), khawizu thirfiante hnih (2) leh nimbu tui tharlåm thirfiante hnih (2) chawhpawlh a, in thin a tha.
- Tui lum leh aieng chawhpawlha in thin a tha bawk a.
Hritlangah chuan kan taksa sipai, immune system tih chak a pawimawh hle a. A chunga tar lante hian taksa thisen sipai a ti chak thei a, virus leh natna hrik a lo do lêt ve thei bawk a. A remchan dân anga hman mai tur a ni a.
Invênna: Hritlang laka inven a pawimawh a. Kan kai a nih pawhin, a tih ziaawm dan ngaihtuah tur a ni.
- Khuh, hachhiau leh hnap tui atanga inkai chhawn a awl avangin hritlang awm nå nei bula awm tam loh tur a ni.
- Fai taka kut sil thin a pawimawh hle bawk a.
- Vaivut khu leh meizial khu hip luh loh a pawimawh a.
- Zük leh hmuam laka fihlim a pawimawh a.
- Taksa tuam lum that tur a ni a.
- Mut tam leh mut that a pawimawh a.
- Tui lum chi ala hrawk leh ka chhung thuah thin a tha a.
- Tuisik thianghlim leh thil tuiril lam in tam tur a ni.
Hritlang i chhar hlauh a nih chuan, mi dangte i kai chhawn loh nan thiante bulah tawng per chuai chuai lo la, i khuh leh hahchhiauin rawmawlin inhup thin ang che.
Hritlang leh khuh enkawl nan Homeopathic damdawi tha tak tak a awm a, a lan chhuah dan (symptoms) azirin pek thin a ni.
AYUSH Doctor chawh nilo Homeopathic emaw Ayurvedic damawi te hi mahni thua ei mai a him lova, AYUSH Doctorte chawh ngei chauh ei tur a ni.
Issued by National AYUSH Mission: Directorate of AYUSH Government of Mizoram
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
Hriselna Huang