Hnahthial Post | 7th November, 2024: Nimin khan Mizoram Pollution Control Board (MPCB)buatsaihin Thirsakawr hmanga India ram pum fang chhuaktu Pu Vanlallawmzuala Varte (LZa) châwimâwina leh lawmpuina hun chu EF&CC Deptt. Minister Pu Lalthansanga uapna hnuaiah Aizawl Zonuam vênga Woodland Hills-ah hman a neih a ni.
He Tour, ‘Ride To Clean Air’ in thupui a ken chu ‘Clean & Green Sustainable Lifestyle Under Mission Life’ a ni a. MPCB hi Main Sponsor niin kumin kum tîr January ni 25 (Ningani) khân MINECO atangin MPCB Chairman Pu Liankima Lailung chuan vai liamin nimin November ni 5 (Thawhlehni) khan Pu LZa hian Aizawl a lo thleng leh a ni.
Forest Minister Pu Lalthansanga chuan Pu LZa hnênah Thangchhuah Diar a hlân a, Pu LZa’n India ram fang chhuak tur khawpa tum ruhna leh thawhrim nachâng a hriate leh amah pui tura MPCB kher thlan nachâng a hria te chu a finthlâkin lâwmawm a ti hlêa, MPCB ngei pawh Mizoram tâna tihchangtlun chhoh zêl a tûl thu a sawi bawk. Kan lo hrisel zawk nan Mizote hian thir sakawr khalh emaw, taksa insawizawina atana tha, infiamna enge chi emaw ber pawh ni se kan tuipui a tul a ti.
Amah Pu LZa chuan a dam chhûnga a thil tum hautak ber tihlawhtlingtura phungbawma a sâwm MPCB-te’n theihtâwp chhuaha hmâ an lâkpuia an hlawhtlinpuinaah lâwmthu a sawi a,kohhran rawngbawltute a bel thla deuh zel a. MPCB ngenna angin State danga Pollution Control Board-te’n a tûl tur leh a mamawh apiang an lo ngaihtuahsak zêl bawk a, harsatna hrang hrang tâwk chunga tluang taka India ram pum a fan chhuah theihna chhan ber Pathian hnênah lâwmthu a sawi tak meuh meuh bawk.
Pu LZa lawmpuina hun hi MPCB Chairman Pu Liankima Lailung chuan a kaihruai a. he hunah hian MPCB Member Secretary Pu C. Lalduhawma kaihhruaiin zawhna leh chhânna hun hman a ni bawk a ni.
Pu LZ-a hian India ram pum fang chhuak tur hian thla 9 leh ni 12 (ni 286) hmangin KM 17043.10-athui a tlân ani. Pu LZ-a Aizawl rawn lût chiah hi MPCB buatsaihina hmuahna hmasaber chu Durtlangah neih niin Mizoram Cycling Association leh mipui thahnem tak te nen MC Hall-ah hun hmanpui a lo ni tawh bawk a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News