Hnahthial Post | 21st December, 2024: Krismas leh kumthar vuakvetah halpuah leh halmawi zawrh leh hal chu sawrkarin a khap tlat thu Pu Lalhmangaihhlua, MPS, Addl SP Hnahthial chuan nimin khan hriattirna leh ngenna ti chhuakin a tarlang a, Dan bawhchhiate chu section 223 BNS hnuaiah kum khat thleng lung in tan emaw ₹5000 thleng chawi tir emaw, a pahnih a hrem kawp theih an nih thu a tarlang bawk.
Hnahthial Police-te chuan sawrkarin khapna thupek a chhuah te zawn ṭheuh turin mipuite chu ngenin dan leh thupek kenkawh kawngah Police-te thawhpui turin an sawm a, Police-te tha ti chak tura pui duh te tan, dan bawhchhe lai thlalak emaw Video record emaw a hnuaia Phone number tarlanah hian WhatsApp a thawn emaw ṭawngkam a report pek theih a ni.
Hnahthial Police Station: 7627947150
Thingsai Police Station: 7630972711
South Vanlaiphai Outpost: 7085513409
Hnahthial khawpui chhungah ni 23.12.2024 atangin Police te zanah an duty dawn thu leh a ṭul huna rang taka che chhuak turin Police Station leh Outpost-ah ready dah an nih thu Addl.SP chuan tarlang bawkin Patrolling ngawrh taka kalpui a ni dawn tih a tarlang bawk a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News