Hnahthialah 'No Tolerance Week 2024' kharna hun hmang; lirthei mante pawisa tling khawm Rs 55,400/-

Hnahthial Post | 13th Daecember, 2024: Vawiin khan Hnahthial, Bazar veng kawnah "No Tolerance Week, 2024" kharna hun neih a ni a. Pu Zothanmawia Khiangte, Addl DC chu he kharna hun programme-ah hian khuallian niin Pu Lalhmangaihhlua, Addl SP chuan hun hi a kaihruai a ni.

Khuallian chuan No Tolerance Week chu dan zawm inzirtirna pawimawh tak a ni tiin khua leh tui tha tak nihna pakhat chu dan leh dun zawm that hi a ni a ti a. Dan chu mipui tana siam anih thu sawiin dan zawm that hi midang tan ni lovin mahni tan anih thu a sawi a. Helmet khum te, rui lova motor khalh te, licence nei ngei a motor khalh te leh adt. chu keimahni himna tan vek anih thu sawiin mipuite chu dan zawm hram hram thin turin a chah a ni.

Hun kaihruaitu Pu Lalhmangaihhlua chuan he hun ngai pawimawha kalkhawm zawng zawngte hnenah lawmthu sawiin document felfai neih pawimawhna a sawi a. Document felfai neih hi mahni hamthatna tur atan anih thu sawiin mitin ten ngai pawimawh se a duh thu a sawi a ni.

No Tolerance Week hman chhunga report chu Pu FC Zonghinga, SDPO chuan pein a hnuaia tarlan ang hi a ni.

1. Lirthei check zat - 1019

HMV - 17

LMV - 452

2/3 Wheeler - 550

2. Lirthei man zat :

i) Sec 177 M/V Act hnuaiah (traffic dan zawm lo) : 28

ii) Sec 190 (ii) M/V Act hnuaiah : 1

iii) Sec 192 M/V Act hnuaiah (Registration nei lova khalh) : 1

iv) Sec 194 (A) M/V Act hnuaiah ( Overload ): 1

v) Sec 194 (D) M/V Act hnuaiah (Helmet khum lo) : 1

vi) Sec 196 M/V Act hnuaiah (Invalid Insurance) : 18

Dan bawhchhia man hi za zelah 4.9 vel an awm a ni.

Total fine :- Rs 55,400/-

Kalkhawm tlawmngai pawl hruaitute, khawtlang hruaitute leh thuthar lakhawmtute hnen atangin an ngaih pawimawh zawng te ngaihthlakna neih anih hnuin hun kaihruaitu chuan lawmthu sawiin hun a khar a ni.

[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]

Share it with your friends!

[Feedback at: chiefeditorhnahthialpost@gmail.com]

[For Advertistment contact: +91 9774 771 645]

HNAHTHIAL POST

https://www.hnahthialpost.com/?m=1

email:  chiefeditorhnahthialpost@gmail.com

Hnahthial Insta Facebook:

https://www.facebook.com/Hnahthial-Insta-100512749038560/

Hnahthial Insta (Instagram):

https://instagram.com/hnahthial_insta?utm_medium=copy_link

Hnahthial Post YouTube:

https://youtube.com/channel/UCdcyim-h2tsYLB0s_XtXRdQ

Hnahthial Post Twitter:

https://twitter.com/hnahthialinsta9?t=c6ZfilwGorsHzLw1kPnqXQ&s=09