Hnahthial Post | 10th December, 2024: Vawiin khan School Education Minister Dr. Vanlalthlana chuan SCERT Seminar Room, Chaltlangah zirlai puitu Thiamna Thûl (Jaduui Pitara) a tlangzarh. India hmar chhak State-te zingah Mizoram chu Thiamna Thûl hmang hmasa ber a ni.
School Education Minister Dr. Vanlalthlana chuan thingtlang kilkhawr thlenga sikulte'n an hman theih tur 'Thiamna Thûl' tlangzarh a ni ta chu lawmawm a tih thu a sawi a. Naupangte'n an zirlai theuhte a bulthut atanga tha taka an man theih nana tanlak a tul thu sawiin, Sawrkar sikulte chu fate luhtir theihna tur khawpa siam tura tanlak a tul a ni, a ti a. School leh syllabus-te pawh naupangte hip tur khawpa siam a ngaih thu leh rawngbawlna a nih thu sawiin, MLA te chu an bial theuhah School enkawl bik nei theuh tura ngen a tum thu a sawi bawk.
He hunah hian Pi Lalduhawmi Thomte, Joint Director, School Education Department chuan thiamna thûl siam a nih dan sawifiahin, National Curriculum Framework duhdan angin naupangte tan zirna chu infiamna behchhana siam tuma ruahman a ni a, chumi atan chuan thiamna thul hi ruahman a lo ni ta a ni, a ti a. Thiamna thûlah hian naupangte'n kuta an khawih leh hman theih turte, hmuhnawm tipaha an zir theih tur item chi hrang 30 dah a ni, a ti a. Naupangte'n kum 3-8 chhunga an zir hi an nunah a bei nghet a ni tih research atanga hriat a nih thu sawiin, hemi behchhan hian thiamna thula hmanrua chi hrang hrang dahte hi naupangte'n zirna bulthut an thiam nana ruahman a ni, a ti bawk.
Vawiina thiamna thûl tlangzarhna hunah hian SCERT Director leh Officer-te bakah Samagra Shiksha Officer-te an tel a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News