Hnahthial Post | 16th December, 2024: Vawiin chawhnu dar 2:00 khan Tourism Minister Pi Lalrinpuii chuan, AR Lammualah, Mizoram Sawrkar Tourism Department buatsaih Winter Festival 2024 chu khuallian niin a hawng.
Hawnna hunah hian khuallian Tourism Minister Pi Lalrinpuii chuan thu sawiin, Winter Festival kaihhnawiha Sawrkar Department hrang hrangte thawhhona chu fakawm a tih thu a sawi a. Department-te mai bakah hian khawtlang, mimal leh pawl hrang hrangte tan pawha hlawkna thlen thei tur tinzawna sawrkar hmalakna chu chhunzawm tlak hle ni a a hriat thu sawiin, Sawrkar chuan mipuite zirtirna lam hawi a kalpui uar zel a, hemi nena inhmeh tak winter festival buatsaih a ni chu tha a tih thu a tarlang a. Mizoram chu India ram state dangte nena khaikhin pawhin Tourism sector-a theihna leh remchanna ngah ber pawl a ni tih sawiin, hei hi hre renga sawrkar hmalaknate tun anga thlawp chhunzawm zel turin mipuite a sawm nghal bawk a ni.
Vawiina Winter Festival hawnna hun hi Dr. Lalrozama, Secretary, Tourism Department chuan kaihruaiin, kalkhawmte lawmna thu leh WInter Festival buatsaih a nih dante a sawifiah a. Pi R. Lalrodingi, Director, Tourism Department chuan lawmthu sawiin hun hi a khar a ni.
Winter Festival 2024 hian tun thla December ni 21, 2024 thleng a awh dawn a. Festival hi AR Ground, Lammual mai bakah Reiek leh Hmuifangahte neih a ni dawn a ni.
Vawiina hawn tak Winter Festival pual hian Exhibition Stall leh Food Stall thahnem tak buatsaih tel a ni a; hengte hi mipuiin an hlut hle a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News