29th South Tuipui A/C Final Electoral Roll tlangzarh: Voter's 16,511 awm

29th South Tuipui A/C Final Electoral Roll tlangzarh: Voter's 16,511 awm

Hnahthial Post | 6th January, 2025: Vawiin chawhma dar 11:00 khan DC Meeting Hall Hnahthial-ah 29th South Tuipui Assembly Constituency huam chhunga Final Electoral Roll chu Electoral Registration Officer (ERO) Pu Zothanmawia Khiangte, Addl. DC ni bawk chuan a tlangzarh.

Final Electoral Roll tlangzarhtu Electoral Registration Officer, Pu Zothanmawia Khiangte, Addl. DC chuan Booth Level Officer (BLO) leh Political Party te thawhpuina a zarah 29th South Tuipui Assembly Constituency Final Electoral Roll felfai leh dik tak tlangzarh a ni leh thei ta chu lawmawm a tih thu a sawi. Election Officer Pi Esther Leihang, SDO Sadar pawhin Roll an buaipui dan report a pe a, Political Party aiawhte hnenah roll tlangzarh tak copy hi hlan a ni bawk

29th South Tuipui Assembly Constituency huam chhuanga Final Electoral Roll tlangzarh takah hian Polling Station 27 awmin vote nei thei mi 16,511 an awm a, an zingah hian hmeichhia 8,325, mipa 8,111 leh Service Voters sawm 75 an awm a, Polling Staion vote nei tamna ber chu 29/9 Hnahthial-IV niin vote nei mi 1,217 an awm a, vote tlemna ber chu 29/23 New Kawnpui niin vote nei mi 58 an awm a ni. Vote nei thei pumna hi 0.98% a ni.

29th South Tuipui Assembly Constituency huam chhuanga Final Electoral Roll tlangzarhna hunah hian Hnahthial District Election Office thawktute, Booth Level Officer (BLO) te, Political Party aiawh te, Media lam thawktute an tel a ni.