Hnahthial Post | 16th January, 2025: Vawiin khan Deputy Inspector General of Police (Southern Range) Pu Altaf Ahmad Khan, IPS chuan a ṭum khat nan 2nd Battalion MAP Headquarters, Luangmual, Lunglei a tlawh.
2nd Bn MAP Hqrs-ah hian DIG(SR) hi guard of honour pek niin, Commandant office chamber-ah thingpui in ho a ni a. CO Conference Hall-ah Commandant leh Branch Head hovin inkawm hona hun hman a ni.
He hunah hian 2nd Bn MAP Commandant Pu Francis Lalnuntluanga Ralte chuan powerpoint presentation hmangin Battalion hma lakna leh thil pawimawh hrang hrang a tar lang a. Hemi hnu hian DIG (SR) chuan Battalion hmun pawimawh leh hma lakna te a hmunah a tlawh kual nghal a ni.
DIG (SR)Pu Altaf Ahmad Khan chuan 2nd MAP te hma lakna fakin, charity pual ₹ nuai 2 chuang an luan chhuahna chu ropui a tih thu leh chhunzawm zel tura a duh thu a sawi a. Battalion chhunga hma lakna - firing range sak hna te, school compound wall leh school toilet siam zawh tak te leh hma lakna hrang hrangte chu a hmunah tlawhin, ṭha a tih thu a sawi a. Batallion School tlawh bawkin, zirlai naupangte'n hnam lam, zaipawl leh pipe band te an lo entir a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News