Hnahthial Post | 27th January, 2025: Vawiin chawhnu dar 1:00 khan State level Committee on Fire Prevention 2025 chu Secretariat Conference Hall, Mineco-ah an thukhawm a. Fire Prevention Week 2025 neih dan tur te, kumina Lo hal Ni tur te leh thu pawimawh dang te an rel.
Thutkhawmnaah hian a hnuaia thupui hrang hrangte hi ngaihtuahho atana chhawp chhuah a ni:
- Kum kal ta (2023-2024) chhunga kangmei ven kawnga hmalaknate thlir letna.
- Fire Prevention Week hman hun tur leh a hawnna hun hman dan tur chungchang.
- Kumin a lo hal theih hun chhung remruatna.
- District zawng zawngah kangmei ven kawnga hmalaknate zirhona.
- Kangmei chhuak tur ven kawnga lawmman semdan tur chungchang te.
- Kangmei ven kawnga mipuite inzirtirna leh chumi atana kawng hrang hranga hmalak dan tur chungchang te.
- Khaw hrang hrang, kangmei ven kawnga tithate chawimawidan tur chungchang bakah.
- Kumin Fire Prevention Week thupui tur te an ni.
Vawiina State-level Sub-Committee on Fire Prevention thukhawm chuan Fire Prevention Week 2025 chu, 'Ram tikang lo tura tan kan lak hian hma hun eng zawk kan insiam a ni "We care for future if we care not to cause fire" tih thupui hmangin February ni 10-2025 atanga 15-Feb-2025 inkara hman turin a rel a. Kum 2025 atana lo hal ni hnuhnung atan 15-March-2025 chu ruatin, Lengpui leh a chheh vela lo hal turte chuan hemi vek, tlai lam dar 3:30 hnu lamah chauh hal tan turin an rel bawk a.
Kangmei ven kawnga hma la tha khua leh District-te hnenah lawmman hlan tura rel niin, henga thlan chhuahte hian pakhatnain cheng 50000, Pahnihnain cheng 30000 leh Pathumnain cheng 20000 theuhte an dawng dawn a ni.
Vawiina thutkhawmnaah hian Pu A.K Biswal, Principal Chief Conservator of Forests chuan kalkhawmte lo lawmna thu a sawi a. Pu H. Lalengmawia, Commissioner & Secretary, EF&CC Department chuan thutkhawmna thupuite sawihawnna neiin, : Deputy Conservator of Forests (Hqrs) lam atangin an hmalaknate presentation hmanga thlirho a ni a. Hei hi Thutkhawm thupui (meeting agenda) sawihonain chhunzawm nghal a. Pu Laltlanhlua Zathang, Conservator of Forests chuan lawmthu sawiin thutkhawm hi a tin a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News