Hnahthial Post | 5th January, 2025: January ni 6-10, 2025 chhunga Indian Institute of Mass Communication (IIMC), New Delhi-a training tur Mizoram Information Service (MIS) Officer 12 te chu nimin (4th January) chawhma dar 11:00 khan I&PR Secretary Pi Betsy Zothanpari Sailo chuan Directorate of I&PR Office tual atangin a vai liam.
I&PR Secretary Pi Betsy Zothanpari Sailo chuan Sawrkarin MIS Officer-te puala training tha tak IIMC Delhi-a a ruahman sak chu lawmawm a tih thu leh vanneihthlak a tih sawiin, training turte chu an kal chhante hriaa theihtawp chhuah turin a fuih a. Training chuan mimal, Department leh Mizoram tana hmasawnna leh rah tha a chhuah ngei a beisei thu sawiin, taimakna, rinawmna leh inthununna tha tak nena training hlawkthlak tak nei tura duhsakna hlanin a vai liam a ni.
MIS Officer training turte hi Pu Malsawmsanga, Dy. Director chuan hovin a ni bakah hian I&PR Directorate-a IPRO 2 leh District hrang hrang atanga DIPRO 9 te an tel a ni.
Nimina (4th January) training chhuak tur vailiamna hunah hian Pi Mina Zoliani Joute, Jt. Director bakah I&PR Officer dangte an tel a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News