Hnahthial Post | 16th January, 2025: Women and Child Development hnuaia District Hub for Empowerment of Women (DHEW), Hnahthial District chuan National Girl Child Day, 2025 lawmna tur khuh hawn nan Hnahthialah hmeichhe naupang pualin Walk buatsaih a ni a. Hemi rual hian Beti Bachao, Beti Padhao kum sawm tlin lawmna hun hman nghal a ni. He hun hi Pi LT Rose Mary Hnamte, Child Development Project Officer (CDPO) chuan kaihruaiin hmeichhiate venghim tur leh an dikna chanvo humhalh tura intiamna Pledge sawi rualna Bazar kawnah neih a ni.
Walk hi Bazar kawn aṭanga neih tan niin Hnahthial khawchhungah hmeichhe naupang pawimawhna leh mipui ten hmeichhiate chawisan kawnga an tih tur te au rualna hun neih a ni a. Lalrinpuii, District Mission Coordinator (DMC), DHEW chuan thusawina hun neiin National Girl Child Day lawmna tura atana ruahmanna an neih te a tarlan hnuah Hnahthial mipuite chu thawhho puiah a sawm nghal a ni.
Nation Girl Child Day pual hian Thing phun te neih tur niin Social Media Campaign te bakah awareness hrang hrang neih a ni dawn a. Hnahthial District chhunga hmeichhia, sports leh zirna lama tithate chawimawina hun neih tur niin college-ah debate competition huaihawt tum a ni bawk.
National Girl Child Day hi kum tin January ni 24 ah neih thin niin tun kum atana theme chu "Empowering Girls for a Bright Future" tih a ni.
He hunah hian Anganwadi Workers (AWW) leh Anganwadi Helper (AWH), Hnahthial khawchhung ami te, Accredited Social Health Activists (ASHA) te leh Staff te nen an vaiin mi 60 vel an tel thei a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News