Hnahthial Post | 6th January, 2025: Vawiin khan Transport Minister Pu Vanlalhlana chuan Union Minister for Ports, Shipping and Waterways (MoPSW) Pu Sarbananda Sonowal chu a chenna inah kawmin, Transport Department-in Inland Water Transport (IWT) atana hma a lak mekte chu chak lehzuala thawh a nih theih nan hmalakpui turin a ngen.
.
Transport Department hnuai ah hian IWT project pathum kalpui mek a ni a. Development of IWT on River Khawthlangtuipui-River Tuichawng, Development of IWT on River Tlawng (National Waterway-102) leh Development of IWT River Chhimtuipui te kalpui mek a ni. Heng project-ah te hian techno-economic feasibility neih zawh tawh niin a then DPR siam zawh tawh a ni a, la siam zawh loh te pawh peihfel thuai beisei a ni bawk. Heng bakah hian Transport Minister hian Tuirial Dam chu IWT project atan chauh ni lo a zin mi te hip thei tur a tourism atan a hmuhma tha tak awmna a ni tih sawiin ruahmanna hlawhtling tak kalpui a nih theih nana zirchianna, feasibility study kalpui a pawimawh thu a sawipui bawk a ni.
Minister hi Transport Director Er. R Lalrammawia’n a tawiawm a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News