Hnahthial Post | 20th February, 2025: South Tuipui bialtu MLA Jeje Lalpekhlua'n a bial chhung mipuite tana a sponsor, ni thum chhung awh Hnahthial District Hospital-a Free Eye Clinic and Pchaco Eye Camp, Eye Care Hospital thawktuten an neih chu vawiin (20.2.2025) hian zawhfel thawkhat niin, naktuka Aizawl lama an haw hmain mit an zai sakte hi an enfiah leh ang.
Eye Care Hospital neitu Dr KL Remsanga chuan South Tuipui Bialtu MLA Jeje Lalpekhlua hmalakna zara Hnahthiala Free Eye Clinic and Pchaco Eye Camp neih a ni thei chu lawmawm a tih thu sawiin, 'A bik takin thingtlang lam leh mi harsa, Aizawl leh hmunpuia inentir tura kal thei loten an chhawr tangkai zual. Tun tumah hian damlo 250 an inentir a, heng zinga mi 41 te mit zai sak nghal an ni. Hmunpui lam pan ngai mi pahnih an awm, a ti.
Dr KL Remsanga sawi danin, cheng tam tak senga mit zai ngaite chu RSBY leh health care a inziaklutte tan chuan a thlawn vekin engkim an kalpui theih. Mit zai hi a pangngai-ah chuan cheng sing hnih dawn senna tur a ni a, hetih lai hian a thlawn vekin zai sak an ni a, damdawi leh a mamawh tan tarmit pawh an zuar chhuak nghal.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News