Hnahthial Post | 21st February, 2025: Mizoram State day puala ram tana ṭawngṭaina (Mizoram State Day of Prayer) chu Presbyterian Churh of India, Hnahthial Kohhran Biak Inah nimin (20th February) khan Hnahthial Kohhran Joint Committee (HKJC) bul tumin neih a ni a, Pu Zothanmawia Khiangte, MCS, Addl.DC chuan hmanpuiin, "India rama awm kan ni a, secular state kan nih avangin sorkar anga hetiang hun ruahman hi a rem chang lo niin hriat a ni," tiin Hnahthial Kohhran Joint Committee bul tuma hman a ni thei chu lawmawm a tih thu a sawi a, nikum lamah District khawpuiah chauh hman niin tun ṭumah erawh khaw hrang hrangah hmang tura ruahman a nih thu leh ram hruaituten Pathian kaihhruaina nen ram an kaihhruai theihna tura dilpui chu thil ṭul leh pawimawh tak a nih thu a sawi bawk a ni.
Chawhma hun hi Upa FB Vanlalruata, Secretary, HKJC chuan a kaihruai a, Rev Lalawmpuia, PCI, Vice-Chairman, HKJC chuan thuchah sawiin zaipawl ten zaiin rawngbawlna hun an hman bakah ṭawngṭai rualna vawi 2 neih a ni.
Chawhnu lam hi Pastor Lalthantluanga, IKK chuan kaihhruaiin Rev RK Vanlalrawna, SDA chuan thuchah a sawi a, tawngtai rualna tum hnih hman a ni bawk.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News