Hnahthial Post | 4th February, 2025: Vawiin chawhnu dar 1:45 bawr vel khan Pi Siamveli, Electric Veng, Second lane (Denlung road) te chenna In chu bungrua engmah chuh hman loin a kang ral vek.
Thu dawnnain a tarlan danin Electric Veng chenna In kang hi, In hnuai lam aṭanga rawn kang chho nia hriat a ni a, kang mei chhuah chhan tak erawh hriat a ni lo thung. Kang mei tuara thi an awm hriat a ni lo. He kangmei avanga hliam turte:
1. Lalthakima S/o Lianchungnunga (Electric)
2. Malsawmzuala S/o Lalruatdika (Electric)
3. F Lalsangliana S/o F Vanlalruata (Venglai)
4. C Lalrinzuala S/o C Vansiama (Electric)
5. Vanneihtluanga C/o Dengchhinga (Bazar)
6. Vanlalduha S/o Chalhranga (Electric) te hi
Y.M.A Electric North Branch chuan, an huaisennaah leh an tlawmngaihnaah an chhuangin, an hliam tawrh te pawh pawi an ti a, thinlung takin an tawrhpui tak zet a, damna chang leh thuai turin duhsakna sang ber an hlan a ni. Tin, Kangmei tuarte tanpuina Gpay hmanga pe duh tan, he mi no-ah hian a pek theih reng
e. Phone no : 9862526869 (Pu K Jerafima Treasurer Y.M.A Electric North Branch, Hnahthial).
YMA Sub-Hqrs Hnahthial chuan thuchhuah siamin, kang mei tuarte an tawrhpui thu an tarlang a, naktuk ni 5th February, 2025 hian an awmna Branch YMA, Electric North Branch YMA chuan puihbawm hnatlang koin, YMA Sub-Hqrs Hnahthial chuan YMA Member a thei remchang apiang te pui tura a sawm rualin member mimal ang pawhin phak leh theihna zawnah țanpui leh tuamhlawm zel turin a sawm bawk a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News