Hnahthial Post | 3rd February, 2025: Bengvarna tarlan danin MNF-te'n model code of conduct (MCC) bawhchhiaa an puh avanga State Election Commission (SEC) in insawifiah tura an tih Aizawi West-II Bialtu MLA Pu Lalnghinglova Hmar, Minister of State chuan MCC kal zawngin thu a sawi lo niin a sawi.
Pu Lalnghinglova Hmar chuan vawiin (3.2.2025) chhun khan ZPM Office-ah thu sawiin, 'Aizawl West-Il bial huam chhunga ZPM Local Council candidate-te inhmuhkhawmna, January 27,2025, Vaivakawn YMA Conference Centre-a ka thu sawiin MCC a kalh lo. Local Council inthlan lo awm tur atana ZPM Party candidate te inhmuhkhawmna ah hian party mi ka nih angin keipawh sawm ka ni a, thu pawh ka sawi ngei a ni, a ti.
Mizoram Sorkarin Aizawl West-II bial tana a hmalak tawhnate a sawi tih sawiin West-II Bialtu MLA chuan, 'SASCI Part-III hnuaia Aizawl West Outlet Project, motor kawng siamna tur Mizoram Sorkarin a ruahman fel tawh thu leh hemi atana sum pawh min pek tawh thu ka sawi a, administrative approval pawh hmuh vek tawh a ni. Tin, Vaivakawn Market sak thatna tur Mizoram Sorkarin a ruahman fel vek tawh January 7 a State Level Committe On SASCI in Local Council inthian a puan hmaa a pawm fel vek tawh a ni, tiin vantlang hmuh theih turin I&PR website-ah he mi ni vek tlai dar 5:00 ah dah chhuah vek a nih tawh thu a sawi.
Pu Lalnghinglova Hmar chuan a thil sawite chu porject thar a nil lo a, sorkar hmalak tawhna a lawmawm a tih em vanga I&PR-te pawhina an tarchhuah tawh a han sawi nawn ve leh mai a nih thu sawiin, A lawmawm tehlul nen mithenkhat chuan SEC-ah MCC bawhchhia tiin min hek ta a ni. MCC chuan inthlan atana vote duh vanga hmalakna thar puan a remti lo a, hemi hi hre reng chungin ka thusawina ah pawh sorkar hmalakna thar tur sawi chakawm tak takte pawh kan insum zawk a ni, a ti.
Aizawi West-II Bialtu MLA chuan a thusawite erawh hi chu sorkar hmalak tawhna a ni a, veng chhung leh bial chhung bakah Aizawl khawpui tan leh Mizoram tan pawha sorkar hmalak tawhna thu lawmawm vantlang hriata tarlan tawh, a sawi chhuak nia sawiin, inhek nan an hmang duh ta mai chuan mipuite lawmnaah hian party thenkhat chu an lawm ve lo nia a hriat thu a sawi a ni.
Tarlan tawh angin, MNF-in MCC bawhchhia-a an puh avang hian Pu Lalnghinglova Hmar chu SEC-in show notice pein, insawifiahna hun vawiin thleng hun a pe.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News