Hnahthial Post | 5th February, 2025: Vawiin ni 5 February, 2025(Nilaini) chawhnu dar 1:00 p.m khan MZP hruaitute chuan Dr. Akshaya Kumar Mohanty, Associate Professor, Dept. of Economics; Mizoram University laka zirlaite aṭanga complain an dawn bawhzuiin Mizoram University Vice Chancellor, Prof. Debakar Chandra Deka chu a Pisapui-ah an hmu a.
MZP hruaitute chuan, zirlaite harsatna thlenna hmun Students Grievance Redressal Committee (SGRC), Mizoram University in hmalâkna report an la neilo chu hriatthiam har an ti hlê a. A rang thei ang bera Dr. Askhay hian a phu tawk hremna a hmuh ngei theihna turin Vice Chancellor chu hma la turin an ngen a, February 2025 chhung ngei a hmalakna a awmlo a nih chuan na takin MZP chuan hma an lak chhunzawm tur thu an sawi.
MZP chuan, Dr. Akshay Kumar chungchanga ni 16th June, 2024 daih tawh a Registrar kaltlanga zirlai 20 chuangin amah complaint na lehkha an thehluh bawhzuina report engmah la awm loh mai bakah, zirlai tam tak amah avanga rilru lama harsatna tawk hial leh kutthlak hial a neih thu te hriat hian MZP rilru a ti na hle a, hetiang zirtirtu hi Mizoram University a thawk reng tlak ah an ngai lo a, MZP hruaitute chuan zirlaite hmakhua ngaiin VC chu a rang thei ang bera hma lo la ngei turin an ngenin an hriattir nghal a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News