Environment Humhalh Hnatlang nei

Hnahthial Post | 8th March, 2025: Vawiin Ni 8 March 2025 khan Thalai Kristian Pawl : Hnahthial South Pastor Bial-te chuan Bial TKP Rorelin a lo rel tawh angin, Urban Development & Poverty Alleviation, Hnahthial District leh Public Health Engineering Departmrnt, Hnahthial WATSAN Division-te nen tang kawpin Environment Humhalh hnatlang an nei a, Hnahthial-in kan tui tlan pakhat Pu Dawna lui kawr then fai hnatlang an thawk a ni.

Environment Humhalh Hnatlangah hian Hnahthial-in fur laia kan tui tlan ber pakhat Pu Dawna lui kawr thian faiin Member 60 chuang an thawk chhuak thei a ni.

Thalai Kristian Pawl : Hnahthial South Pastor-te hian kum kalta khan UD&PA nen tangkawpin Environment Humhalh hnatlang hi an lo thawk tawh a, Hnahthial tui tlan ber Tuichang lui fintu luite pali : Tui hnai lui kawr, Tui hla lui kawr, Pu Dapa Vau lui kawr leh Thingpui huan lui kawrte then fai hnatlang an lo thawk tawh bawk a ni.