Hnahthial Post | 11th March, 2025: Vawiin khan District Fisheries Development Office (DFDO) Hnahthial chuan Hnahthial District chhunga sangha dil siam tanpuina Pradhan Mantri Matsya Sampada Yojana (PMMSY) kum 2022-2023 chhunga dawngtu mi sawm sarih (78) hnenah tanpuina an pekchhuak. Hemi rual hian Venglai YMA Hall ah tanpuina dangtute hi koh khawm niin PMMSY nih phung leh hmalak dan tur in hrilh hriatna hun hman nghal a ni.
He hunah hian Pu George Lalnuntluanga, DFDO Hnahthil chuan PMMSY Scheme kalphung leh thil tum tlangpui tarlangin tanpuina dawngtute chu an dawn chhan ang taka dik tak leh rinawm taka hna thawk turin a chah a, kan ram, kan district hmasawnna atana scheme lo kal te hi an department chuan ho mai maia luanral tir an phal dawn lo tih sawiin, uluk tak leh tha taka anmahni lam pawhin an vil chhunzawm tur thu a sawi bawk.
Tun tumah hian sangha dil a thar (New Pond) siamna dawngtu mi sawm sarih (70) hnenah cheng singli sang nga za thum sawmruk (Rs. 45,360) theuh leh sangha dil nei tawh (Input Support) tanpuina mi pariat (8) hnenah cheng sing khat sang thum, za nga (Rs. 13,500) an bank account-ah thun sak nghal an ni a, DFDO in vawiin sum an pekchhuah zawng zawng hi a vaiin cheng nuai sawmthum pahnih sing riat sang thum zahnih (Rs. 32,83,200) a ni.
Tags
News