Hnahthial Post | 13th April, 2025: Manipur-ah Ui a hri a len mek avangin mipui te him tlan nan ni 11th April, 2025 khan Hnahthial District Magistrate Pi K. Vanlalruati chuan Ui khuahkhirh chungchang-ah hetiang hian thupek a chhuah:-
1) Ui vulhtu ten an Ui vulh te Ui a hri danna (Rabies Vaccine) an pe vek tur a ni. Rabies Vaccine hi AH & Vety. Office, Hnahthial-ah Office hun chhungin lak theih reng a ni.
2) Ui vulhtu ten an Ui vulh te khawlaiah an vah mai mai loh nan an khuahkhirh tur a nỉ. Khawlaia an chhuahpul dawn chuan hrui hmangin rinawm takin an kai tur a ni.
3) Ui zun leh ek khawlaiah an hnutchhiah mal mai tur a ni lo.
4) Midang te tana harsatna siam thei zawngin tupawhin Ui an vulh tur a ni lo.
5) The Mizoram Animal (Control & Taxation) Rules, 2016 in a phal angin a neitu tel lova khawlaia Vi chhuak te chu Village Council ten an man thei ang. Ui neitu te hian nikhat zelah Ui chaw man Rs.100/- leh fine Rs.100/- chawiin an khul chhuah tir thei ang a. Ni 7 (sarih) chhunga khul chhuah a nih loh chuan a remchan dan a tih ral (auction) theih a ni ang.
6) Ui khuahkhirh lohvin mihring a seh chuan Section 291 BNS, 2023 hmangin Ui neitu chu thla 6 (ruk) chhung lungin tan emaw Rs.5,000/- thleng emaw chawi theih a ni.
7) Kan thenawm State. Manipur atanga Ui leh Uisa lakluh khap that a ni.
He thupek zawm lo chu Section 223 of Bharatiya Nyaya Sanhita, 2023 dan hmangin hrem theih a ni ang. He thupek hi tul bik thil a tih danglam a nih loh chuan thuchhuah a nih atanga thla 2 (hnih) chhung a huam ang.
Tags
News