Hnahthial leh Lunglei District tan Viksit Krishi Sankalp Abhiyan chu kalpui tan niin ni khatnaah khaw pakua tlawh chhuak

Hnahthial Post | 30th May, 2025: Sawrkar laipuiin loneitute pui tura hma a lakna – Viksit Krishi Sankalp Abhiyan (VKSA) tihlawhtlin nan Hnahthial leh Lunglei District fang chhuak turin mithiam team pathum(3) chu Hnahthial DC pisa atangin nimin (29th May) khan vailiam an ni a. Team pathumte hian nimin (29th May) khan khua 99 tlawh chhuah tur zingah khua pakua (9) tlawh chhuakin team tin ten khua pathum (3) theuh an tlawh chhuak a ni.

Team-1 hian nimin khan khua pathum - Darzo, South Vanlaiphai leh Muallianpui tlawh chhuakin Team-2 hian Hnahthial, Thiltlang leh Pangzawl khuate an tlawh chhuak a. Team-3 hian Tarpho, Aithur leh Khawhri te an tlawh chhuak bawk. Team hrang hrang hian loneitute tana sawrkar laipui atanga an hamthatna dawn theihte inhrihhriatna hun an hmang a. Thlai leh ran an enkawl dan kawnga an harsatna tawh thin te sawi ho niin hmalak zel dan tur an ngaihtuah ho bawk.

Team pathumte khaw tlawh chhuah (cover) tawh leh loneitute tel dan kimchang:-

Dt. 29.05.2025
Sl. No.	Teams	Khua tlawh chhuah tawh	Lo neitu tel zat
1.	Team-1	Darzo	51
		South Vanlaiphai	51
		Muallianpui	50
2	Team-2	Hnahthial	50
		Thiltlang	50
		Pangzawl	51
3	Team -3	Tarpho	50
		Aithur	50
		Khawhri	61
Total farmers participating			464

Lunglei leh Hanthial District chhunga khaw hrang hrang tlawh chhuak tur hian Team pathum siam an ni a, member tinah hian KVK, Agriculture, Hoticulture leh Ah&Vety a mithiamte an tel a ni.

Team pathum leh an member-te chu:-

Teams	Name	Department
Team-1	Dr. David M.S. Dawngliana	KVK(Team Leader)
	Lalzirliana	Agriculture
	J.H. Zosiamliana	Horticulture
	Lalhruaitluanga Pachuau	AH&Vety
Team-2	Zosangliani Varte	KVK(Team Leader)
	Julie Zodinpuii	Agriculture
	Rosalind Lallawmzuali	Horticulture
	Dr. Amos V.L Engkima	AH&Vety
Team-3	F.Lalthansanga	KVK(Team Leader)
	John Laltluangliana	Agriculture
	R.Lallianzuala	Horticulture
	Dr. C Sanghluna	AH&Vety