Hnahthial Post | 11th June, 2025: Vawiin khan Green Mizoram Day, 2025 chu Mizoram pumah hman a ni a. Hemi pual hian Hnahthial District-ah pawh hun hman ve niin "Ruahtui khawl nan thing I phun ang" tih thuipui hmangin Vawkpuilutar leh Thiltlang inkara waiting shed-ah sawrkar pisa hrang hrang a hnathawkte chuan hun an hmang a. Hunserh tawi hman niin District Bawrhsap, Pi K.Vanlalruati chuan khuallian niin thusawina hun a hmang a, Pu Zorema, ACF, Lunglei Forest chuan he hun hi kaihruai a ni. Hunserh hman zawh hian office hrang hrang chuan thingphun hnatlang an nei nghal a ni.
Bawrhsap, Pi K Vanlalruati chuan kalkhawmte hnenah thu sawiin rawmngaw nen inkungkaihna tha tak nei turin a chah a. Mihringte nen thing leh mau, ramngaw te hi cheng ho tura duan kan nih thu sawiin tul lova ramngaw tih chereu mai mai hi a tuartu tur tho kan nih avangin tilo turin a ngen a. A thlawna kan min pek, boruak leh tui in tur thianghlim leh tha hi hlut thiam ila, humhalh leh phun belh kawngah a hma hruai a, kan tu leh fate tan zirtirtu tha tak ni theuh turin kalkhawmte chu a chah a ni.
Hunserh hi Pu F. Zosangliana, MJA President chuan lawmthu sawina in a khar a. Green Mizoram Day pual hian Hnahthial Officers' Club (HOC) te chuan thing phun hnatlang an neih bawk a ni.
Tags
News