MZP huaihawtin NEET-UG Exam Question Paper leak duh lohna punkhawm neih a ni

Hnahthial Post | July 23, 2026, Aizawl: Vawiin chawhma dar 11 khan Vanapa Hall kawtah Mizo Zirlai Pawl huaihawtin NEET-UG Exam question paper leak duh lohna punkhawm neih a ni a, he hunah hian zirlai tha hnem tak bakah, zirna siam that duh mi eng emaw zat an kal khawm a ni.

MZP President, Dr C Lalremruata chuan thusawiin, "vawiina kan kalkhawm chhan chu kan hre theuh anga, niminah helai hmunah hian protest hlawhtling tak buatsaih a lo ni tawh a, kan zirlaipui leh thalaite lungawilohna te, tuihalna, kan thahnem ngaihna te kan hmu in kan lo hria a, mizo thalaite hi kan va felin kan lo va changkang tawh tak em!! Kha hmalakna kha kan thlawp em em a ni," tiin.

Pu Remruata chuan, kan zirlaipui leh thalai ten min beiseina te leh min duhkhawplohna thawm social media leh hmun hrang hranga in sawi leh auchhuahna te kan lo hria a, heng zawng zawngah hian in duhkhawp kan tlinlohnaah thinlung takin ngaihdam kan dil tak meuh meuh a, kan tlin tawklohna leh fellohna ah te min sel mai bakah thurawn te pawh min pe thin turin kan sawmin kan ngen che u a, thurawn dawng tur hian kan in hawng renga, kan lo in siamtha ve zel dawn a ni. Mihring chu fel famkim lo, sawisual ve thei, ti sual ve thei kan ni a, in sel mai loin hmasawn zel tur infuih tur zawk kan ni. Kan thahnem ngaihna te hi mite tan hriat nuam zawng ni thei zel thin se. Zofate tan kil tinah min nektu hmelma awm a, in dem hman kan ni lo, kan ram tan hian i tangrual zel ang u, a ti

MZP hian ram leh hnam leh zirlaite tan tunhma atangin a theih ang angin hma alo la tawh thin a, Mizoram quota hmanga technical line hrang hrang kan zir ve theihna tur te hnamdangin min chuh buaiin chungte chu Mizo ten chanvo dik tak kan chan theih nan nasa takin an lo bei tawh thina, hlawhtlinna changin mizo zirlai tam takin keimahni quota ngei hmangin man tlawm zawkin kan zir theih phah ta a ni. Tribal nih hi a zahthlak loh a, hemi avang hian Mizo zirlai tam takin tribal reservation avangin technical course hrang hrangah te hi Zirna In tha tak takah seat changin man man zawkin an lo zir thei a, mi tam takin hlawhtlinna an chan theih phah a ni. tiin, Mizo Zirlaite himna leh hamthatna atan nimin leh vawiina Zirlai leh thalai bakah mipui lo kalkhawm te hi lungrual taka thawhho pui atan a sawm takzet bawk a ni.

Pu Lalmihriata, President, Students Bar Council, GMLC, pawhin thu sawina hun neiin, zirlaite chu rinawm taka an zirlai zir turin a chah bakah, India Danpuia Mizote venhimna, inkhungbikna dan awm Article 371G leh 6th Schedule-a Mizote kan awm chu kan vanneih zia leh heng kan tana inkhungbikna awmte hi chhawr tangkaia hnualsuat mai lo turin zirlai kal khawm te chu a chah a ni.

Pu Lalhmingsanga, General Secretary, Gen-Hqrs, MZP chuan kal khawm ten resolution chhiar chhuahna hun a nei a. Tv Lalthlamuana, Appointed Secretary MZP chuan au rualna hun a kaihruai a ni. Vawiin punkhawm hi Pu Sanghmingthanga, Vice President, MZP Gen-Hqrs chuan a kaihruai a ni.

PEACEFUL DEMONSTRATION ON NEET PAPER LEAK

RESOLUTION

1. NEET (UG) 2026 Exam-a Question leak out hi kan dem takzet a, a thlen nawn tawhloh nan Central Sorkarin hma la nghal rawh se.

2. NEET Question leak out avanga kan zirlaipui nunna chan ta te hi kan tawrhpui takzet a, sorkarin zangnadawmna pe ngei rawh se.

3. Exam dan kalphung langtlang leh tha zawk kan neih theih nan National Testing Agency (NTA) siamthat ni rawh se.

4. He thil thleng avanga peaceful protester te chunga Police te tharum thawhna thleng hi kan dem takzet a, democracy ramah hetiang hi thleng nawn tawhlo se kan duh.

5. Tihluihna hmanga he protest hmahruaitu Sonam Wangchuk, sorkarin Safdarjung Hospital-a tihluihna hmanga a hreng lui hi kan dem takzet a, thu tiamkam awmloa chhuah nghal turin kan

phut a ni.

6. Mizo Zirlaite himna leh hamthatna atan vawiin a Mizo zirlai leh thalai kalkhawmte hian lungrual taka thawhho zel nise kan ti.

English Version

1. We strongly condemn the NEET (UG) 2026 Question Paper Leak. We urge the Central Government to take immediate and strict action to ensure that such incidents do not happen again.

2. We express our deepest condolences to the families of the students who lost their lives due to the NEET Question Paper Leak. We demand that the Government provide adequate compensation to the

affected families.

3. We demand the reform of the National Testing Agency (NTA) to ensure a more transparent, fair, and secure examination system.

4. We strongly condemn the use of force by the Police against peaceful protesters. In a democratic country, such actions must not be repeated.

5. We condemn the forceful detention of protest leader Shri Sonam Wangchuk by the Government at Safdarjung Hospital. We demand his immediate and unconditional release.

6. For the safety and welfare of Mizo students, we resolve that Mizo students and youth who have gathered today will continue to work together in unity.