Hnahthial Post | September 26, 2025, Hnahthial: District Water and Sanitation Mission in a lo rel tawh angin vawiin kha Hnahthial District chhunga pisa hrang hrangte chuan Faina Hnatlang an nei a.
Office tinte hian an mahni office leh an chhevel theuhte tifaiin 'Faina Thutiam' an chham nghal a ni.
Swachhata Hi Seva, 2025 hi September ni 17 khan hawn niin October ni 2 thleng a awh dawn a. Hemi pual hian khawtlangin nimin khan faina beihpui thlakna Hnatlang lo nei tawhin September ni 29 hian Sanitation Workers te tan Health check-up buatsaih a ni ang. A kharna hi October ni 1 hian Hnahthial DC Conference Hall-ah neih tura ruahmanna siam niin Swachhata Hi Seva puala Flyer making competition buatsaiha lawmman dawngtute chu lawmman hlan nghal an ni ang.
Tags
News