Hnahthial Post | October 8, 2025, Aizawl: Mizoram Travel Fest 2025, Aijal Club, McCabe Hall-a vawiina neihah Tourism Minister chuan tun hnaiah Mizoram-ah khualzin an lo lut nasa hle tih sawiin, rel hmanga awlsam leh man tlawm zawka inkalpawh theih a nih tawh avangin Mizo mipuite chu khualzin tam zawk an lo luh pawha insiamrem thiam turin a ngen a, kan pi leh pute atanga mikhual laka that chhuah thin hnam kan nih angin khualzin laka that chhuah tlat turin Mizo mipuite a ngen thu a sawi bawk. Mizoram sik leh sa leh Kût-te milin Mizoram Tourism Calendar an buatsaih mek thu a sawi bawk a ni.
Mizoram Travel Fest, 2025 puala inkhawm tawi buatsaih-ah hian Tourism Department Director Pi Lalrodingi chuan kalkhawmte láwmna thu sawiin ICFAI University Prof. Ginlianla Buhril chuan thu tawi a sawi a, Mizoram University Associate Professor Dr. Panjak Kumar chuan “Empowering Communities and Institution for Tourism Development in Mizoram” tih thupui hmanga thu sawi bawkin, Tourism Dept. Joint Director Pi Lalthankimi Pachuau chuan lawmthu sawiin inkhawm a titawp a ni.
Mizoram Travel Fest- 2025 hi ni thum chhung awh tur a ni a, Mizo hnam leh ziaráng mai bakah ei leh inte khualzinte hnena phochhuahna hun hman thin a ni ang.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News