Hnahthial Post | October 7, 2025, Aizawl: Vawiin khan Pu Malsawmzuala Ralte, Chairman, Mizoram Youth Commission leh Pu Jonathan Lalremruata, OSD to CM te chu, Mumin Chen, India-a Taiwan Ambassador Office-ah lengin, Mizo thalaite Taiwan-a hnathawk tura an kal theih dan tur an sawiho. Mizoram sawrkar leh Chief Minister-te’n Mizo thalaite eizawnna ruahmansak ngaipawimawhin, CM pawhin Taiwan Ambassador kal ta a lo sawipui tawh thin a ni.
Pu Jonathan Lalremruata, OSD to CM-in kar hmasaa a lo dawr tawh bawhzuiin, vawiinah hian India leh Taiwan-in hnathawk tur thawnchhuah kawnga inremna, India-Taiwan Labor Mobility Agreement 2024 hnuaiah, Mizo thalai 50 kumin chhunga Taiwan-a tirh ni se an ti a. Taiwan-a thawk tur zawn, agreement ziah leh tul dang zawng zawng chu MYC-in a buaipui ang.
Taiwan-a hnathawk tur hian kum 18 chunglam mipa leh hmeichhia, hriselna endik paltlangte an kal thei dawn a. An thawhna tur company-in kal man leh senso tul an rawn tumsak dawn a ni. Taiwan sorkar hian an rama hnathawkte enkawlna dan mumal leh changtlung tak (Protection of Foreign Workers Right in Taiwan) an nei a, chumi hnuaiah chuan Mizo thalai kal turte pawhin him takin hna an han thawk thei dawn a. Ei leh in, sik leh sa leh a ram leilung thu-ah Mizoram nen a inan thu Ambassador Mumin hian a sawi. Ambassador Mumin leh Pu Jonathan-a te hian Chinese tawngin Mizoram chanchin Chinese chanchinbu lar tak Rhythms-ah an lo chhuah tawh nghe nghe.
Taiwan-a hnathawh dan tur leh tul dang chu MYC in a la rawn tichhuak thuai dawn a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News