Thingsai Police Station Silver Jubilee lawmna neih a ni

Hnahthial Post | October 1, 2025, Thingsai: Vawiin khan Thingsai Police Station chuan an silver jubilee lawmna hun Thingsai Police Station ah an hmang.

Vawin hun hmanna hi Thingsai PS building chung zawlah an hmang a, He hunah hian Pu, Robert Beihrosa Addl. SP Hnahthial chu khuallian a ni a. He hun hi Officer in Charge SI. KT Hranglung Thingsai Police Station chuan a kaihruai a, khuallian Pu Robert Beihrosa Addl Sp chuan thusawiin Thingsai hi Indo Myanmar Border a awm leh Central Sorkar in a Entry Exit a siam turah kan district chhung a aawm chhuk a nih thu leh Ruihlo tlawhna kal kawng a nih bawk avangin Thingsai PS huamchhung a mipuite thawhpui ah a sawm a. Khuallian chuan tunah hian BRTF ten entry exit point tur pawh survey an neih mek thu leh zawh thuai anih tur thu te a sawi a, thawktu indaihlohna pawh kan hotuten an ngaihtuah zel tur thu thu te Check Gate pawh tuna a awm na hmun hi duhthu a sam tawh loh avangin hmun dang a sawn turah VC ten a an ngena pawh chak taka hmalak mek a nih thu te a sawi bawk. He hun hmang tur hian Thingsai khaw chhunga NGOs hruaitute bakah Thingsai Police Station huam chhunga khaw hrang hrang a NGO hruaitute leh Thingsai khaw chhunga prominent citizen te leh khawchhung a department hrang hrang hotute sawm an ni a. A lawmna hun hi session hnih a then niin session hnihna hi in Verity prog a hun hman niin police family te leh sawm bikte te nen tlai lamah Jubilee ruai kilhona an nei.

Thingsai ah hian Ni 13 June 1988 ah Police Out post hi hawn tan a ni a, Ni 1 October 2000 ah Police Station ah hlan kai niin Ni 3 September 2009 ah Police Check Gate dah leh bawk a ni. Tun diinhmun ah hian thawktu MRP Officer in Charge Pakhat(1) Head Constable pali(4) leh Constable pathum(3),2nd Battalion MAP Havildar pathum(3) Naik pahnih(2) Constable panga(5),MPRO ASI(Op) Pakhat(1) HC(Op) pakhat (1) an vawin mi sawmhnih(20) thawktu awm mek a. Thingsai PS hian khaw pariat(8) Thingsai,Cherhlun,Bualpui H, Ngharchhip, New Ngharchhip, South Chawngtui, Tarpho, Khawhri leh Aithur te an awm. Kum 2000 atang a tun thleng hian Case zasawnhnih pathum(123) ziah luh ni tawhin tun kum kal lai 2025 hian Case pakua(9) ziah luh a ni tawhin heng zingah hian ND&PS tam berin paruk(6) a ni a,a dang te hi rukruk leh zu kaihhnawih te an ni.