Hnahthial Post | November 3, 2025, Kolasib: Pu Lalfamkima Dy. Speaker leh Kolasib bialtu MLA ni bawk chuan vawiin khan MFA Inter District Senior Women Football Championship kharna inkhawm Kolasib Sports Stadium-ah khuallian niin a hmanpui a, Inter District Womens Football Tournament-ah hian Hnahthial DFA leh Mamit DFA chuan final khelin, 2-1 in Hnahthial DFA te hi an Champion a ni.
He hunah hian khuallian chuan thu sawiin, Kolasib Sports Stadium-in enkawltu mumal a neih theih nan a, KDFA kuta sorkarin a hlan chu a lawmpui thu sawiin, tangkai lehzual hman a nih theih nan leh stadium pawh changtlung leh tha zawka an enkawl theih a duh thu a sawi a, mizo infiammi te chu infiamna hi eizawnna tling a nih zia hretu te kan ni tawh tih sawiin, tun aia kan in tihhmuh sauh sauh a tul thu leh Mizoram pawn thleng pawha khel thei tura tan la sauh sauh tura fuihin, Final match khel tur te chu mawi tak leh theihtawp chhuaha khel turin a fuih bawk.
MFA Inter District Senior Women Football Championship hi October ni 28 khan Kolasib Sports Stadium ah khelh tan niin, Mizoram district 11 atangin team an in tir vek thei a, vawiin khan Mamit District leh Hnahthial District te'n Final match khelin Hnahthial District-in 2-1 a hnehna changin nomawi an chawi a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Post Instagram:
Hnahthial Insta Facebook:
Hnahthial Post YouTube:
Hnahthial Post Twitter:
Tags
News