Thingsaiah AB-HWC Health Mela cum Wellness neih a ni

Hnahthial Post | December 13, 2025, Thingsai: Nimin khan Higher Secondary school Thingsai ah AB-HWC Health Mela cum Wellness neih a ni.

Nimin chawhnu a AB-HWC Health Mela cum Wellness neih hi Primary Health Centre Thingsai MO Dr Lalrinchhani leh a thawhpui ten neiin School Zirtirtu leh naupangte hriselna endikna hi an nei a. Zirtirtu leh Naupang sawmruk paruk(66) te hriselna endikna an nei a, vawin ah hian mit,ha,beng lam te an ensakna an nei.Thisen test hrang hrang neiin HIV AIDS Naupang zawng zawng te test vek ni bawkin an vai hian an negative vek chu lawmawm an tih thu thawktu te chuan an sawi.PHC Thingsai in a a huamchhung school hrang hrang AB-HWC Health Mela cum Wellness Hi neih tawh niin school la tih lohna ah te pawh a hma lama neih leh an thu an sawi bawk.

Thingsai HSS NSS unit leh MSU Sub- Headquarters Thingsai te tangkawp hian tunkar tir lam Ni 9, Dec 2025(thawhlehni) vek khan blood donation camp Civil hospital Aizawl ah nei bawkin a mamawh a piang te hman turin thisen Unit Sawm (10) an pe bawk a ni.