Hnahthial Post | March 18, 2026, Hnahthial: Vawiin khan RGSA Training Hall, Hnahthialah District Level Workshop on Handholding Scheme buatsaih a ni a. Workshop hi Pi K.Vanlalruati, Hnahthial Bawrhsap chuan kaihruaiin Pu Zothanmawia Khiangte Addl. Deputy Commissioner, Hnahthial hnen atangin District chhunga Handholding hnuaia hmalak dan report ngaihthlak a ni.
Addl DC report danin tun dinhmunah hian Loan Sanction tawh hi Agriculture & Farmers' Welfare Department-ah 1, Department of Animal Husbandry and Veterinary ah 7, Commerce and Industries ah 4, leh Department of Horticulture hnuaiah 5 awmin a vaiin mi 17 hneh loan hi Sanction tawh a nih thu a tarlang a. Loan-te hi SBI, MRB leh MCAB atangte a Sanction an nih thu a tarlang bawk.
Report-ah hian loan dil zingah CIBIL score hniam vang te, mahni home branch lova dil vang te, a diltu kum tam tawh vang te leh loan diltu biaktlak tawh loh vang te a Bank lamin loan sanction theih loh an neih thu tarlan a ni.
Pi Chiinngaihkim Phiamphu, District Development Manager, NABARD in KCC chungchang leh a thiltum te sawifiahna a nei a. MSPCC (Mizoram State Policy Co Ordination) Committee member lo kal te atangin Bana Kaih hnuaia tanpuina awm thei pahnih - Loan Component leh CM Special Package chungchang sawifiahna an nei a, kalkhawmte hnehah Handholding chungchang ziahna Booklet an sem bawk a ni. An ni hian online hmanga application siam dan te entirna an neih bakah zawhna leh chhanna hun an hmanpui bawk a ni.
District Public Relations Office, Hnahthial hen atang in Bana Kaih success story hrang hrang thlir hona neih niin Addl DC, Pu Zothanmawia Khiangte chuan lawmthu sawina nen hun hi a khar a ni.
Tags
News