Hnahthial Post | March 14, 2026, Aizawl: MZP President Dr. C. Lalremruata chuan India danpui hnuaia 8th Schedule-a Mizo tawng dah tum chu Zohnahthlak hnam peng hrang hrangte hmin kim theih hunah ni thei se a ti.
Akashvani-in a kawmnaah he thu hi sawiin mi tam takin Mizo tawng 8th Schedule-a dah chu thil tha tak niin zirlai pawl tan tak phei chuan ram pum huap hna exam hrang hranga Mizo tawng ngeia exam theihna tur, zirlaite tana tha tur a ni lawm ni tia an zawh thin thu a sawi a. An ni pawhin chu chu tha an ti tho tih sawiin hetihrual hian Mizo tih chu khawi lai nge, Mizo tihah Mizo hnuaia hnam peng hrang hrang te an hmin kim em tih chu an ngaihpawimawh thu a sawi a.
Dr. C. Lalremruata chuan MZP hnuaiah hnam pual zirlai pawl 8 lai in affiliate an awm thu sawiin heng hnam hrang hrangte hi Mizoah an la hmin kim lo aniang a tih vangin tuna 8th Schedule-a Mizo tawng dah tumna chu hun kal leh hret se, Mizoa hmin kim hun a awm an beisei tih a sawi a. Chutih hunah chuan MZP chu 8th Schedule-a Mizo tawng dah duh ber ber tu an ni dawn a ti a ni.
Dr. C. Lalremruata chuan hei hi an tanna a nih angin nikum November thlaa Mizo Language Development Board te nena an inkawmkhawmnaah pawh tha taka an sawiho thu a sawi a. Nghah hreta Zohnahthlak hnam peng hrang hrangte hmin kim theih hunah an duh thu hemi tumah pawh hian an sawi tih a sawi a ni.
Puan tawh angin, MZP leh Jt Hnampual Zirlai te chuan India Constitution schedule pariatna hnuaia Mizo tawng telh tura hmalakna tur resolution Education Minister Dr Vanlathlana’n session a putluh chu hun lo an tih thu leh, MZP leh Hnampual zirlaiten thutlukna an la siam ve loh thu an lo sawi tawh a. Kar kalta ni 9 khan Education Minister Dr Vanlathlana resolution hi house chuan a pawmpui a ni.
Hemi chungchanga Aizawla thuthar thehdarhtute an kawmnaah MZP President Dr C Lalremruata chuan ah MZP leh Jt. Hnampual tangkhawmte chuan Eight Schedule of the Constitution of India-ah Mizo tawng telh tura hma lak tur thu an pass tak ah session a Education Minister leh Chief Minister ten MZP leh Hnampual zirlai an pawmpui thu an sawi lan ah -an pawmpui thu emaw remtihna an sawi chhuaklo an ti a,
MZP President Dr C Lalremruata chuan zofa hnam hrang hrang zingah hian 8 Schedule ah Mizo tawng dah dawn se tute tawng nge mizo tawng tih leh tute tawng nge awm se tih chu an ngaihtuah na leh an zawhna anih thu a sawi a, zo hnahthlak hrang hrang te tawng hi Mizo tawng a nih vek thu sawiin – Lusei, Hmar, Paite leh Lai ah hian a khawi ber nge Mizo tawng tih ah dah anih dawn a ti a, hemi chungchang hi MZP leh Hnampual Zirlai pawl hrang hrang te an pawm tlan theih hunah pass nise an duh thu a sawi a ni.
MZP leh Hnampual Zirlai te leh Central YMA ten Mizo Language Development Board te inkawm khawmnaa an minute bu ah pawh a la hun hrih loh thu leh nghah hrih phawt an duh thu an ziah lan laia Assembly Session ah Education Minister leh Chief Minister ten MZP leh Hnampual zirlai pawlten an pawmpui ni anga an sawi chu mak an tih thu a sawi a, Mizo Language Development Board hnuaia Eight Schedule Study Group ten sorkar hnenah thudik tawklo an thlen ni ngeiin an ngai a ti a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Post Instagram:
Hnahthial Insta Facebook:
Hnahthial Post YouTube:
Hnahthial Post Twitter:
