Lungleiah District Disposal Committee-in ruihhlo (heroin no. 4) leh ganja ₹9,71,800/- man hu an hal ral

Hnahthial Post | March 18, 2026, Lunglei: Nimin khan Lunglei AP Tlanga Incinerator Centre-ah Lunglei District Disposal Committee (DCC) chuan Lunglei District Superintendent of Police Pu J. Lalmuankima kaihhruaiin ruihhlo (heroin no. 4) gram 28 (₹4,85,800/- man hu) leh cannabis (ganja) kg 8.330 (₹4,86,000/- man hu), belh khawma ₹9,71,800/- man hu an hal ral.

Ruihhlo hal ralnaah hian DDC member-te – Lunglei Sub-Divisional Officer (Sadar), Lunglei Excise & Narcotics Assistant Commissioner, Lunglei Sub-Divisional Police Officer leh an ai awhte an tel a. Heroin leh ganja hal ral tak hi Lunglei PS Case No. 11/2026 Dt. 21.01.2026 u/s 21(b) ND&PS Act leh LLI-PS C/No. 14/2026 Dt. 26.01.2026 u/s 20(b) (ii) (B) ND&PS Act r/w Sec 21 of the Immigration and Foreigners Act hnuaia case ziah luh niin, Lunglei Judicial Magistrate First Class-I-in phalna a pek anga hal ral (pre-trial dispose) a ni.