Hnahthial Post | March 15, 2026, Hnahthial: Mizo Zirlai Pawl Headquarters: Hnahthial chuan March ni 21, 2026 hian kum 2026 - 2028 chhunga hruaitu tur thlanna hun an nei dawn.
MZP Hqrs Hnahthial hruaitu term kal lai hi 2024 -2026 a ni a. Term kal lai hi March thla hian a tawp dawn a, March ni 21, 2026 Inrinni hian hruaitu thar thlanna an nei ang. He inthlannaa chuh tum chuan ni 16 March, 2026 aṭanga March ni 19, 2026 thleng nomination a thehluh theih anga, Nomination theh luhte endikna hi ni 19 March vek hian neih a ni ang.
MZP Hqrs Hnahthial hian March ni 7, 2026 khan an President, Pu Jimmy Lalrosanga kaihhruaiin Executive Committee Meeting an nei a, he meeting-ah hian Hqrs inthlan hun tur rel a ni. President chuan Inthlan ni tur puang nghalin, hemi ni aṭanga hruaitu tharte'n charge an inhlan hma chu Election Commission thuneihnaah MZP Hqrs: Hnahthial chu a awm thu a puang nghal bawk a ni.
MZP Hqrs: Hnahthial inthlanna neih turah hian Election Commission te chu:
Chairman: Pu C Zonunmawia (Adviser)
Secretary: Tv C Malsawmkima
Treasurer: Nl Lalnunfeli Hnamte
Member:
Lalchawimawia
Lalthlamuanpuia
Vanlalruata te an ni.
Tags
News