Hnahthial Post | April 23, 2026, Aizawl: Mizo Zirlai Pawl, General Headquarters leh Mizo Official Channel ṭangkawp buatsaihin zan aṭang khan D-3 Inter College Debate Competition 2026 neih ṭan a ni.
D3 Inter-College Debate Competition, hi Vaivakawn Culture Centre cum Auditorium-ah neih a ni a, Debate thupui atan; 'Mizo hnam himna atan ILP hi a ṭha tawk a ni' tih hman a ni a, college paruk(6) an telin, chung college te chu:
- Pachhunga University College
- Govt Aizawl College
- Govt Hrangbana College
- Govt Serchhip College
- Govt T. Romana College
- NIELIT Aizawl
Heng College paruk(6) zingah hian College pali(4), Govt Aizawl College, Govt Hrangbana College, Pachhunga University College leh NIELIT Aizawl ten chuan final an lut a ni.
Final hi naktuk 24th April, 2026 zan dar 7:30 pm-ah, Vaivakawn Cultural Centre Cum Auditorium-ah neih chhunzawm leh tur a ni a, 'Mizoramah Zu Zawrh hi a hun tawh a ni' tih thupui hmangin debate hi neih a ni ang.