.jpeg)
Hnahthial Post | Oct 13, 2026, Aizawl: Mizoram Larsap General (Dr) Vijay Kumar Singh, PVSM, AVSM, YSM (Retd) chuan vawiin khan 65th Subroto Cup 2026 Junior Gilrs (U-17) a pahnihna dinhmun hauhtu Mizoram NCC U-17 Girls Football Team, Springfield Higher Secondary School, Aizawlte chu Durbar Hall, Lok Bhavan-ah lawmpuina thilpek a hlan.
.jpeg)
Larsap General (Dr) Vijay Kumar Singh chuan intihsiakna ngaihhlut hlawh leh hautak tak Subroto Cup 2026-a pahnihna dinhmun hauhtu Mizoram U-17 Girls NCC Team-te a lawmpui thu leh an hlawhtlinna chu chhinchhiah tlak a tih thu a sawi a. Champion dinhmun hauh lo mahse hnual nan hmang lova mahni theuh intiphura, hlawhtlinna nasa zawk chang tura tanlak nana hmang turin a fuih a. Zirlaite chu infiamna leh zirnate kalkawp tir thiam tura chahin, state sawkar, NCC, zirna in leh infiamna kaihhnawih pawl hrang hrangte chu thiamna bik nei naupangte zawng chhuak a, kaihhruaina leh hmanraw tha, abik takin hmeichhe naupangten infiamna huanga hlawhtlinna an chan theih nana tanlak pui turin a chah a ni.
.jpeg)
Larsap chuan NCC chu nungchang siam thatna, theihna tihpunna leh ngaihtuahna dik tuh nana duan a nih thu sawiin, NCC atanga an thil zirte chuan an thiamnate a tuaihnum dawn thu leh huaisennate pein an hma hun atana a puih dawn thu a sawi a. NCC cadet-te chu midangte tana entawn tlak ni tur leh mahni inthununna nei turte, midangte zaha khawtlang tana tangkai nih tum turtein a fuih a. Nu leh pa, coaching staff, zirtirtu, zirna in leh NCC official-te thlawpna fakawm a tih thu a sawi bawk a. Infiamna chuan remchanna tam tak a siam thu leh huang zauhna tur a la ngah thu sawiin, tunhnaia neih zawh tak Asian Games-ah India hmeichhiate an chet that thu leh ram tana hlawhtlinna an hawn chu chhuanawm a tih thu a sawi a. Kalkhawmte chu an hmalam huna chona awmte tha taka hmachhawn thei tura theihtawp chhuah turin a chah a ni.
.jpeg)
Larsap chuan NCC U-17 Girls Football Team, Coach, Manager, Springfield Higher Secondary School Vice Principal leh NCC hotute memento, certificate leh lawmpuina thilpek a hlan a. Col Vikramaditya Singh Pal, CO, 1 Mizo Bn NCC chuan lawmthu sawiin hun hman a khar a ni.
He hunah hian Brig GS Arora, Group Commander, NCC Mizoram leh a thawhpuite, zirtirtu leh nu leh pate an tel a ni.
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
Tags
News