Hnahthial | 4th October, 2023: Sports & Youth Services Department buatsaihin 2nd Oct, 2023 zan dar 7:00 khan Mizorama Sports Awards 2023 & Incentive Cash Awards 2021-2022 & 2022-2023 semna hun Dawrpui Multipurpose Hall-ah hman a ni. He hunah hian Sports & Youth Services Minister Pu Robert Romawia Royte chu khuallian niin Pu TC Pachhunga, Vice Chairman, Sports & Youth Services, ICT and Tourism Development Board chu khualzahawm a ni.
He Incentive Cash Award semnaah hian Hnahthial Electric veng nula Hockey khelthiam Lalrindiki (Didiki) chuan Most Promising Sportswoman of the Year Award dawngin Rs 80,000 + Citation hlân a ni.
Didiki hi Hockey thiam vangin Central Railway-ah lutin CCTC-in Matunga Station, Mumbai-ah a awm mek a ni.
 |
| Didiki |
Mizoram Incentive Cash Award Scheme kaltlang hian kum 2021-2022 chhunga incentive cash award dawngtu infiammi 64, Sports Discipline 10 aṭanga thlante hnenah Rs 20,20,750/- leh 2022-2023 chhunga Incentive Cash Award dawngtu infiammi 415, Sports Discipline 14 aṭanga thlante hnenah Rs 53,30,750/- sem chhuah a ni. Hei bakah hian May 2022 aṭanga May 2023 inkara infiammi leh infiamna kaihhnawiha cheṭhate Sports Awards hlan an ni a, Category 10 a awm a ni.
Hnahthial Insta Community
follow us on:
Hnahthial Insta Facebook:
Hnahthial Insta (Instagram):
Hnahthial Insta YouTube:
Hnahthial Insta Twitter:
Tags
News