Misual kut tuara thi nia hriat Pu H.Chungnunga Tuipui D thil pawimawh hmuhchhuah thar a ni.

Hnahthial | 4th October, 2023: Kumin kum tir lama misual kut tuar vanga boral ni ngeia hriat Pu H.Chungnunga kum 91 chu tun thlengin kut thlaktu/thattu hi hriat chhuah la ni lo mahse Pu H.Chungnunga document pawimawh te chu nimin (3rd Oct.2023) khan Tuipui D Reservoir-ah hmuh niin Police ten a hmunah kalchilhin an enfiah a, hmalakna kalpui chhunzawm zel a ni.

Tuipui D khawtlang hruaitute atanga KAILAWN thudawn danin an khawchhunga Tui enkawl tura Tuipui D WATSAN Committee in an rawih Pu J.Malsawma chuan tunhnai khan Reservoir-ah hian Polythene-a thil infun lang chu hmuin lensuah hmanga lak chhuah a tum chu a hawlh pil palh a, mipui a Tui sem tur a nih avangin thil tenawm a nih hlauin nimin khan Reservoir a Tui awm chu paihin Polythene a thil infun chu a paih chhuak a, hetih laia a bul hnaia lo awm Pu Zosanga chuan lo enchiang-in Pu H.Chungnunga document pawimawh tak tak Adhaar card, Voter ID leh a dangte niin khawtlang hruaitute leh Police te chu hriattir nghal an ni.

Pu H.Chungnunga document an hmuhna hi Bangla tlanga Reservoir 3 zinga a laiah niin Polythene hrang hrang 3 ah infunin chu chu Polythene pakhatah fun lehchhawn niin thudawn a ni

He thu hi Hnahthial Police ten an hriat velleh SDPO Pu K.Lalnithanga, Case IO Insp. Robert L.Hnamte leh Police thenkhatte chuan Tuipui D hi pan nghalin tih tur tul ang angte an ti a, SDPO Pu Ni-a chuan zawhna chhangin "eng tika vawm luh nge tih hriat loh nimahse ala rei lutuk lo maithei" tiin han chhuidawn ngaihna vang viau mahse hmasawnna erawh a pek a beisei thu a sawi bakah Pu H.Chungnung thihna chungchangah hian mi 7 vel chu thu zawhfiah turin an lo lak tawh thu a sawi bawk a ni.

Pu H.Chungnunga kum 91 hi Tuipui D ah hian mahni a khawsa niin Ni 24.2.2023 zing dar 7:30 vel khan a chenna In ah thichhawng in hmuh a ni a, a tukhumah hliam na tak tuarin hmun 20 chuangah thui a nih bakah a hmai pawh a vungin a duk vek bawk a ni. A hliam tuar lo hian Ni 25.2. 2023 khan Hnahthial Damdawi In ah a boral zui a ni

Thu hmuhna: https://kailawn21.blogspot.com/2023/10/misual-kut-tuara-thi-nia-hriat-pu.html

Hnahthial Insta Community

https://hnahthialpost19.blogspot.com/

Hnahthial Insta Facebook:

https://www.facebook.com/Hnahthial-Insta-100512749038560/

Hnahthial Insta (Instagram):

https://instagram.com/hnahthial_insta?utm_medium=copy_link

Hnahthial Insta YouTube:

https://youtube.com/channel/UCdcyim-h2tsYLB0s_XtXRdQ

Hnahthial Insta Twitter:

https://twitter.com/hnahthialinsta9?t=c6ZfilwGorsHzLw1kPnqXQ&s=09