Miss Nicagarua, Sheynnis Palacios chu 72nd Miss Universe atan thlan a ni. Miss Thailand Antonia Parshild chu first runner up niin, second runner up-ah Miss Australia Moraya Wilson thlan a ni.
72nd Miss Universe pageant finale hi San Salvador, El Savador-a Jose Adolfo Pineda Arena-ah an ram huna November 18 zan khan neih a ni. He intihsiaknaah hian ram 84 aiawhte an tel.
Kumina intihsiaknaah hian Pakistan chu a tum khatna atan a tel a, an ram aiawhtu Erica Robin chuan semi- final round a thleng. Miss Portugal leh Miss Netherlands-te chu pageant-a transgender tel hmasa ber an ni a, Columbia aiawhtu Camila Avella chu nu ni tawhin, Top 10 a tling bawk. Miss Nepal chu plus-size niin, eng ang pianhmang pawh a mawi vek a ni tih a lantir dawn tih a lo sawi tawh a, lawm a hlawh hle. Miss China erawh visa a fel hman loh avangin a tel thei ta lo a, nakkuma intihsiaknaah an ram aiawh hian a tel ang.
Miss Universe 2023 atana thlan, Shyennis Palacios hi kum 23 mi niin, Nicagarua-in Miss Universe title an lakna hmasa ber a ni. Final-ah zawhna, 'Ni khat atan hmeichhe dang angin nung dawn se, tunge a thlan ang leh eng nge a chhan' tih chu Palacios hian 19th century British philoshopher leh feminist Mary Wollstonecraft a thlan tur thu sawiin, ani hi indaidanna thiahttu leh hmeichhe tam tak tana kawng hawnsaktu a ni tih a sawi.
Miss Universe Official Page: https://www.instagram.com/missuniverse/?utm_source=ig_web_button_share_sheet&igshid=OGQ5ZDc2ODk2ZA==
Thu hmuhna: https://www.vanglaini.org/thalai/106288
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 8798 189 682]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
