"ZPM Party chu ZPM Sorkar siam tura piang a ni lo, Mipui sorkar siam tura piang a ni" - K Sapdanga

Hnahthial Post | 20th November, 2023: ZPM chuan vawiin (20.11.2023) chhun khan an office-ah chhung inkhawm an hmang a, thusawitu ZPM Working President K Sapdanga chuan MLA inthlan an hmachhawn zawh takah an thawhrim thu a sawi.

ZPM Working President chuan ZPM Party chu ZPM Sorkar siam tura piang a ni lo tih sawiin, 'Mipui sorkar siam tura piang a ni a, a member- te pawh hi ram siam tura in pe kan ni. Kan campaign lai pawhin thawkrim ber turin kan infuih thin a, kan zawm tha viauin kan hria a, party dang pawh hian kan thawkrim tih min pawmpuiin kan hria a ni, a ti.

Sorkarna chu party membership atanga siam theih a ni lo tih sawiin K Sapdanga chuan, 'Neutral-te an pawimawh em em a, ngawi renga sorkar inrelbawl dan ngun taka lo zir a, an duhna taka vote thlak tute hian sorkar an siam mai. Pathian zara sorkarna kan lo siam a nih pawhin kan thutiama kan din leh din loh hi mipui ten min buk nghal dawn, tiin thuneihna an lo chang a nih pawhin chu thuneihna dawhkana dahtu chu a bul berah Pathian a nih rualin Pathianin hmanruaa a hman chu mipuite an nih thu a sawi.

K Sapdanga chuan mipuite duh dana an kal lo a nih chuan a paihthla leh theitu chu anmahni tho tih sawiin, 'Kan ram damna tur chu inngaitlawm taka kan tawngtaia Lalpa kan auh leh Ani'n min lo ngaihdamin a ni a, kan inngaihtlawm loh chuan ram damna hi kan thleng dawn lo a ni, a ti.

ZPM Working President chuan inthlan hma zawng kha chuan, an policy te, an manifesto-te kha mipui hmaah an keu thin tih sawiin, 'Pathian leh mipuite zara kan lo sorkar ve hlauh a nih chuan, chu kan policy bu tho chu mipuite'n min keu khum ang a, min chhiar khum ve thung tawh dawn a ni, tiin thu tiam zuk a, ding nghet leh si lote hi mipuite'n an ngaithei lo tih theihnghilh loh turin an party mite a chah.

Thu hmuhna:    https://bengvarna.com/post/mz/mizoramnews/0/3487/Kan+thawkrim+hle+-+K+Sapdanga

[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]

Share it with your friends!

[Feedback at: chiefeditorhnahthialpost@gmail.com]

[For Advertistment contact: +91 8798 189 682]

HNAHTHIAL POST

https://www.hnahthialpost.com/?m=1

email:  chiefeditorhnahthialpost@gmail.com

Hnahthial Insta Facebook:

https://www.facebook.com/Hnahthial-Insta-100512749038560/

Hnahthial Insta (Instagram):

https://instagram.com/hnahthial_insta?utm_medium=copy_link

Hnahthial Post YouTube:

https://youtube.com/channel/UCdcyim-h2tsYLB0s_XtXRdQ

Hnahthial Post Twitter:

https://twitter.com/hnahthialinsta9?t=c6ZfilwGorsHzLw1kPnqXQ&s=09