Hnahthial Post | 19th January, 2024: Bengvarna tarlan danin Vawiin (19.1.2024) chhun khan MNF chuan an office-ah chhung inkhawm an nei a, thusawitu MNF Treasurer K Vanlalauva chuan, 'Inthlana tlak hi MNF tan thil thar a ni loa, kan paltlang fo tawh thil a ni, a ti.
Tuna sorkarte au hla 'kalphung thar' tih leh 'min enchhin rawh u' tih chu thil thar a ni lo tih sawiin K Vanlalauva chuan, 'ZNP auhla kha ZPM-in an chhawm mai a ni. MNF chu Mizo Nationalism kengtu leh chawitu a ni. Ram tan theih tawp chhuahin hna a thawk thin. Aizawl By-pass road pawh MNF in a buaipui char char a, sorkar thar hunah thawh tura tihfel a ni ta a ni. ZPM Sorkar hian thil thar an hawng chho zel dawn a; mahse, chutiang bul tantu chu MNF Sorkar kha a ni zel ang. Vawi 4 tla tawh MNF hian ram tan hna a thawk tak tak tih hriat a ni zel ang, a ti.
MNF Treasurer chuan MNF Sorkar kalta kha kum 2 chuang zet Covid-in a bawhbuai chungin, Mizoram tan hna tam tak a thawk tih hi Zoram mipuiin an hre deuh deuh dawn niin a sawi.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 8798 189 682]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News