Hnahthial Post | 19th January, 2024: Bengvarna tarlan danin MPCC chuan vawiin (19.1.2024) hian political session an hmang a, thusawitu MPCC Sr. Vice President Lal Thanzara chuan ZPM Sorkar an kal dik a rinawm loh thu a sawi.
Lal Thanzara chuan ZPM Sorkar kan hrawn mek hi kal dik an tum hle tih sawiin, 'Chutih laiin hun kal tawhah Val Upa Council thu an zawm loh dante ngaihtuahin an kal dik a rinawm lem loh a ni. Inthlanah khan BJP pawisa an hmang tihte sawi a awm a, an hman leh hman loh chu kan hre chho zel dawn. Chuvangin an kal dan hi ngun takin kan thlir zel dawn a ni, a ti.
ZPM-ten MLA thahnem tak neiin rorelna an chang tih sawiin MPCC Sr. Vice President chuan, 'Mipuiin enchhin an duh a, tunah hian kan enchhin chho mek a ni. Chuvangin Congress Party mi leh sate pawn he enchhinna hi hmang tangkai turin ka duh che u a ni. Kan sawrkar loh avangin zam mai lo ila, hmalam pan nan i hman ang u. Pathian hun ruatah Congress Party hi ram hruai turin min ruat rih lo tih pawm ila, i zam lo ang u, tiin an party chu Pathian zai ngai, Pathian hruaiin an kal tur thu a sawi.
Lal Thanzara chuan politics chu tihfuh tum tan a ni lo tih sawiin, 'Ram leh hnam vei mite tana khelh chi a ni. Tihfuh tumte chu party hrang hrangah an zuang lawr dun dun a, ram leh hnam tan an chhenfakawm loh a ni. Kan sorkar loh vanga party danga awm kual te kha a malsawm lo a, nghet takin i Congress ang u, a ti.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 8798 189 682]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News