Hnahthial Post | 22nd January, 2024: Vawiin chawhma dar 10:30 khan Pu C. Lalsawivunga, Local Adminstration Department (LAD) Minister chuan LAD Secretariat leh Directorate-a Officer-te chu SAD Conference Hall-ah meeting a neihpui.
He hunah hian LAD Minister Pu C. Lalsawivunga chuan Department hmalakna tura a hmathlir leh kalphung a duhdan a sawi a. Minister chuan Department hmasawnna tura theihtawp chhuaha lungrual taka hnathawh a pawimawh thu sawiin, LAD hnuaia thawkte chu thahnemngai taka thawhpui atan a sawm a. Mipui tana theihtawp chhuaha hna thawh a duh thu sawiin, dik tak leh fel taka thil ti a, rinawm taka thawk turin Department Officer-te a chah a. Dan pangngaiah Ministry chu kum nga dan zela inthlak thin a nih thu leh Officer-te chu nghet zawk an nih dante pawh tarlangin, thawktute chu politics thlichhia inchhem len tir lo turin a chah bawk.
Meeting hi Pi Teresy Vanlalhruaii, LAD Secretary chuan a kaihruai a. Pi Rita Lalnunmawii Pachuau, LAD Director chuan PowerPoint Presentation hmangin LAD hnathawh leh mawhphurhna kawng hrang hrang a sawi a. LAD hmalakna pawimawh zual XV Finance Commission Grant, RGSA Scheme leh hmalak zelna tur kawng hrang hrangte sawiho a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News