Hnahthial Post | 10th January, 2024: Vawiin khan Chief Secretary Dr Renu Sharma hovin Chief Secretary Conference Hall-ah Samagra Shiksha Executive Committee meeting neih a ni a, Samagra Shiksha Annual Work Plan & Budget leh PM SHRI scheme 2024-25, 2025-26 te chu an thlir hova, Ministry-a thehluh turin an pawm.
Samagra Shiksha Executive Committee-ah hian Annual Work Plan & Budget 2024-25 atana ruahman cheng nuai 41440.15 leh 2025-26 atana ruahman cheng nuai 34979.70 te chu pawm a ni a. PM SHRI scheme kalpui nan kum 2024-25 atana ruahman cheng nuai 1161.74 leh kum 2025-26 atan ruahman cheng nuai 508.50 te chu pawm a ni bawk. Samagra Shiksha hnathawhna tur sum ruahman te hi January 17 ah Ministry-ah thehluh a ni ang a, February 8 & 9,2024-ah Project Approval Board-in a ngaihtuah dawn a ni.
Vawiina Samagra Shiksha state Executive Committee Meeting-ah hian School Education Secretary Dr Lalzirmawia Chhangte bakah School Education Department Officer te, MBSE leh SCERT Officer te, Samagra Shiksha State Project Office-a officer te leh department dang kaihhnawih aiawh te, YMA, MUP, MHIP leh Service Association aiawh te an tel a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 8798 189 682]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News