Hnahthial Post | 5th February, 2024: Inrinni kalta khan Keitum leh Bungtlang inkar ah NH. 54 siam hna thawktu BIPL Company hnuaia thawk mi pahnih chu Truck (Hyva) in a chil a, mi pakhat thiin midang pakhat hi Serchhip Damdawi In- ah enkawi a ni.
LENKAWL chanchinbu in a tarlan danin, danin Inrinni kalta tlai thim hma deuh khan Keitum atanga km 3 vela hla ah National Highway-54 siam hna thawh meka Thli hmanga kawngpui Blacktop tur chhemfai hna thawktu BIPL Company hnuaia thawk mi pahnih, Motor khalhtu leh kawngpui-a a chhemfai hna thawktute chu hna an thawh laiin an Company hnuaia thawk tho Truck lian (Hyva) chuan a chil a, kawngpui-a hna thawk lai Ansarul Islam (19), Kandhulimari Sunseri, Nagaon (Assam) chu a hmunah hian a thi a, Motor khalhtu Chaliuk Ahmed (31) chuan hliam tuarin Serchhip damdawi In-ah enkawl a ni.
He vanduaina thlenga nunna chan Ansarul Islam hi Hyva Truck hian a malpui-ah chilhin a hmunah hian a thi nghal a, hliam tuar zawk erawh hi chu a dinhmun ngaihtuahawm a ni lo tih Doctor chuan a sawi a, Truck Driver hi a tlanbo nghal avangin thil thlen dan kimchang hriat theih a ni lo a, Serchhip Police te chu a hmunah kalin thil awm dan an chhui zui nghal a ni. Vanduaina a nunna chan Ansarul Islam-a ruang hi Serchhip damdawi In rawn panpui a nih hnuah nimin khan Postmortem in an khaw lamah thawn tur a ni ang.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News